محتوى عربي حقيقي
الموقع بالإنجليزي، والمريض بيكتب «تقويم اسنان» بالعربي وبدون همزات. المسافة بين الاتنين دي هي سبب إن الموقع مش ظاهر.
فجوة اللغة
عيادة في القاهرة موقعها مكتوب Orthodontics. المريض بيكتب «تقويم اسنان». " جوجل مش بيترجم بينهم بشكل كامل، وحتى لما بيقرّب، الصفحة اللي مكتوبة بلغة البحث بتكسب.
ودي مش حالة نادرة. حتى المرضى اللي بيتكلموا إنجليزي طول اليوم بيكتبوا بحثهم الطبي بالعربي، " لأن ده الكلام اللي اتربّوا يسموا بيه الحاجات دي.
العربي المكتوب مش عربي واحد
ودي الحتة اللي الترجمة الآلية بتقع فيها. نفس الخدمة ليها أكتر من صيغة بحث:
- الفصحى: «زراعة الأسنان». دي اللي بتتكتب في المقالات الطبية.
- المصري: «زرع سنة». دي اللي المريض بيقولها.
- من غير تشكيل أو همز: «زراعه اسنان». وده الشكل الأكتر انتشارًا فعلًا في الكتابة على الموبايل.
- مكتوبة بحروف إنجليزي: «zera3et asnan». أقل، بس موجودة.
الصفحة المفروض تغطي الصيغ دي بشكل طبيعي جوه الكلام، مش تحطهم تحت بعض في آخر الصفحة. " حشو الكلمات ده بيتشاف من جوجل ومن المريض.
صفحة الخدمة لازم ترد على إيه
الصفحة اللي بترتّب هي اللي بتخلص شغل الزيارة. لو المريض قفل ورجع للبحث تاني، جوجل بيشوف ده.
- الإجراء ده إيه بالظبط، بكلام مفهوم من غير مصطلحات.
- بياخد قد إيه، وكام جلسة.
- بيوجع؟ وإيه البنج المستخدم؟ ده أكتر سؤال بيتبحث ومحدش بيرد عليه.
- بيكلف كام، أو المدى على الأقل، وإيه اللي بيغيّر الرقم.
- النقاهة بتاخد قد إيه، وإمتى ترجع لشغلك.
- البدايل، وليه ده أحسن في حالتك.
- الخطوة الجاية: تحجز إزاي، وتجيب إيه معاك.
الموقع بلغتين: hreflang
لو الموقع عربي وإنجليزي، لازم جوجل يفهم إن الصفحتين نسختين من نفس الحاجة مش صفحتين مكررتين. "
ده بيتعمل بوسم hreflang على كل صفحة، بحيث كل نسخة بتشاور على التانية وعلى نفسها.
الغلط الشائع إن الترجمة بتتعمل على نص الموقع بس، فتلاقي النسخة العربية فيها صفحات ناقصة، " والروابط بينهم مكسورة. ساعتها جوجل بيختار نسخة واحدة ويتجاهل التانية، وغالبًا بيختار الغلط.
الاتجاه والخط
حاجة صغيرة بس بتفرق في إحساس الموقع: النص العربي محتاج dir="rtl" على مستوى الصفحة، "
وخط عربي مظبوط متحمّل مع الموقع مش متسحوب من سيرفر تاني، وأرقام وكلمات إنجليزي جوه الجملة "
لازم تتلف بـ dir="ltr" عشان الأقواس والنقط ما تقلبش. أغلب القوالب الجاهزة بتعمل ده غلط.
مقالات ولا صفحات خدمات؟
الصفحات الأول. مقال عن «فوائد تنظيف الأسنان» بيجيب قارئ، وصفحة «تنظيف الأسنان» بتجيب حجز. " المقالات بتيجي بعد ما كل خدمة يبقى ليها صفحة، ووظيفتها ساعتها إنها تربط على الصفحات دي.
أسئلة
أسئلة بتتسأل كتير
ينفع أترجم الموقع الإنجليزي بجوجل ترانسليت؟
الترجمة الآلية بتطلع كلام مفهوم بس مش الكلام اللي المريض بيبحث بيه، وغالبًا بتستخدم مصطلح فصحى محدش بيكتبه. الصفحة بتبقى موجودة ومش ظاهرة. الأسوأ إن المصطلحات الطبية بتتترجم غلط أحيانًا، وده في موقع عيادة مشكلة مش شكلية.
محتاج كام صفحة؟
صفحة لكل خدمة بتقدمها فعلًا. عيادة أسنان بتعمل تقويم وزراعة وتجميل وحشو وتنظيف يعني خمس صفحات. مش بننصح بصفحات لخدمات مش بتتعمل عندك عشان الترتيب بس.
مين بيكتب المحتوى؟ إنت ولا أنا؟
أنا بكتب المسودة من الفحص ومن اللي المرضى بيسألوا عنه، وإنت أو الدكتور بتراجعوا الكلام الطبي قبل النشر. مش بنشر كلام طبي من غير مراجعة الدكتور.
الخطوة الأولى
ابعتلي لينك موقع عيادتك
هبصّ عليه وأبعتلك المشاكل اللي لقيتها، بالظبط زي اللي فوق. من غير مقابل ومن غير التزام بعدها.
ابعت على واتساب