المريض بيدوّر في حيّه.
عيادتك مش ظاهرة.

الإصلاح التقني نفسه بياخد من 3 لـ 4 أسابيع تنفيذ. بس ظهور النتيجة في جوجل حاجة تانية: جوجل محتاج يعيد زحف الموقع ويقيّم الصفحات الجديدة، وده بياخد وقت.

عشان كده الحد الأدنى للمتابعة الشهرية 3 شهور. لو حد وعدك بترتيب أول في أسبوعين، هو بيبيعلك كلام.

الإعلان بيشتغل من أول يوم وبيقف من أول يوم توقف الدفع. السيو بياخد شهور بس اللي بتبنيه بيفضل شغال بعد ما تبطّل تدفع.

مش بديل لبعض. أغلب العيادات اللي بشتغل معاها بتفضل تعلن، بس الإعلان بيبقى أرخص لما الموقع نفسه يبقى مظبوط، لأن جوجل بيحسب جودة الصفحة اللي بتوديه عليها.

أيوه. أغلب الشغل في مواقع العيادات بيتقاس بعدد الفروع وعدد الخدمات، لأن كل فرع محتاج صفحته وملف خرائط مستقل، وكل خدمة محتاجة صفحة. عيادة بفرع واحد وثلاث خدمات شغلها أقل من عيادة بأربع فروع وعشر خدمات.

الأرقام المكتوبة في صفحة الأسعار نقطة بداية. بعد ما أفحص الموقع بقولك الرقم النهائي قبل ما نبدأ.

لأ. عيادة واحدة بس في كل تخصص داخل الحي الواحد. لو اشتغلت مع عيادتين أسنان في المعادي، هبقى بشتغل ضد عميلي، وده مش شغل.

أيوه، بالكامل. الدومين والاستضافة والكود والحسابات كلها باسمك ومسجّلة بإيميلك. لو حبيت تمشي بعد شهر، بتاخد كل حاجة معاك من غير مشاكل.

بتبعتلي لينك الموقع على واتساب. بفتحه وبفحصه بنفسي وببعتلك المشاكل اللي لقيتها مكتوبة، زي القايمة اللي فوق بالظبط بس على موقعك إنت.

من غير مقابل ومن غير التزام بعدها. لو الموقع مظبوط هقولك إنه مظبوط.