سيو عيادات الأسنان في القاهرة والجيزة

بحث الأسنان بيحصل بشكل مختلف

في تلات أنواع بحث بتيجي لعيادة الأسنان، وكل واحد محتاج صفحة مختلفة:

• بحث الحي. «دكتور اسنان مدينة نصر»، «عيادة اسنان المعادي». ده أعلى نية حجز، وبيتحسم في حزمة الخرائط قبل ما المريض ينزل للنتايج العادية أصلًا.
• بحث الخدمة. «زراعة اسنان»، «تقويم شفاف»، «تبييض ليزر». المريض هنا لسه بيقارن، وبيقرأ. الصفحة اللي بتشرح بجد هي اللي بتكسبه.
• بحث الطوارئ. «دكتور اسنان دلوقتي»، «خلع ضرس عقل». ده بحث موبايل بالكامل وبيتم في دقايق. لو الموقع بطيء أو الرقم مش واضح، المريض راح لغيرك.

أغلب مواقع العيادات مبنية على نوع واحد بس — صفحة «من نحن» وصفحة «خدماتنا» فيها ليستة أسماء. ده بيخليك غايب عن النوعين التانيين خالص.

اللي بيتكرر في مواقع عيادات الأسنان

بعد ما تفحص عدد كفاية من المواقع، المشاكل بتبقى نفسها تقريبًا:

1. كل الفروع محطوطين في صفحة «تواصل معنا» واحدة. جوجل بيشوف عنوان واحد، فبيظهر الفرع الرئيسي بس، والفروع التانية مش موجودة في بحث أحيائها.
2. صفحة الخدمات ليستة أسماء من غير صفحة لكل خدمة. «زراعة الأسنان» كلمة في ليستة، مش صفحة تقدر تترتب.
3. الموقع كله إنجليزي في سوق بيدوّر بالعربي. حتى العيادات اللي مرضاها بيتكلموا إنجليزي، بيكتبوا البحث بالعربي.
4. ملف جوجل بيزنس بروفايل متعمل ومتساب. من غير تصنيف مظبوط ولا صور ولا رد على التقييمات.
5. مفيش أي قياس. العيادة بتصرف على إعلانات وما حدش عارف الحجز جه منين.

حاجات مش هعملها

أوضح من الأول عشان ما يكونش في سوء فهم:

• مش بضمن ترتيب. محدش يقدر يضمن ترتيب في جوجل، واللي بيضمنه بيكذب.
• مش بشتري باك لينكس ولا بستخدم شبكات مواقع. ده بيجيب عقوبة بعد شهور مش نتيجة.
• مش بكتب محتوى مترجم آليًا وأحطه كأنه مقالات. المريض بيقرا وبيحس.
• مش بشيل التقييمات السلبية ولا بشتري تقييمات. بضبط طريقة إنك تطلب التقييم من المريض الراضي.

الترتيب اللي بشتغل بيه

مش بشتغل في كل حاجة مرة واحدة. الترتيب ثابت لأن كل خطوة بتبني على اللي قبلها:

1. الإصلاح التقني الأول. من غير عناوين مظبوطة وcanonical وخريطة موقع، أي محتوى جديد هيضيع. تفاصيل الشغل التقني.
2. صفحة لكل فرع. ده اللي بيفتح بحث الأحياء، وعادةً أسرع حاجة نتيجتها بتبان. إزاي بتتعمل.
3. صفحة لكل خدمة، بالعربي. مكتوبة بالكلمات اللي المريض بيكتبها. عن المحتوى العربي.
4. ملف الخرائط لكل فرع. بيشتغل مع صفحات الفروع، مش بدالها. شغل جوجل بيزنس بروفايل.
5. القياس. عشان تعرف إيه اللي اشتغل. إيه اللي بيتقاس.