جوجل بيزنس بروفايل لكل فرع
لما المريض يبحث عن دكتور في حيّه، أول حاجة بتظهر مش موقع — تلات عيادات على خريطة. أغلب الضغطات بتروح للتلاتة دول، والموقع بييجي بعديهم.
الملف مش صفحة تسجيل
أغلب العيادات عاملة الملف من سنين وسايباه. الاسم والعنوان متحطوطين وخلاص. " والملف ده بيتحدّث زي أي حاجة تانية، ومستوى اكتماله بيفرق في ظهورك.
الحاجات اللي بتتصلّح
- التصنيف الأساسي. أهم إعداد في الملف كله. عيادة أسنان مصنّفة «عيادة طبية» عامة " بتخسر بحث «دكتور اسنان» كله. التصنيف الأساسي بيبقى الأدق، والتصنيفات الفرعية بتغطي الباقي.
- الاسم. الاسم الحقيقي زي ما هو على اللافتة. حشو كلمات فيه — «عيادة النور لزراعة " وتقويم الأسنان بالمعادي» والاسم الحقيقي «عيادة النور» — مخالفة وبيتبلّغ عنها من المنافسين.
- تطابق البيانات. الاسم والعنوان والتليفون لازم يكونوا حرف بحرف زي اللي على الموقع " وعلى أي دليل تاني. اختلاف بسيط في كتابة العنوان بيضعف الثقة.
- الرابط. يودي على صفحة الفرع نفسه مش على الصفحة الرئيسية.
- المواعيد. مواعيد كل فرع، والإجازات الرسمية ورمضان. مريض بييجي ويلاقي مقفول بيسيب تقييم سيء.
- الصور. صور حقيقية للمكان من برّه ومن جوّه وللاستقبال، عشان المريض يعرف الباب. " مش صور مسحوبة من الإنترنت.
- الخدمات. كل خدمة بتتضاف في الملف بوصف قصير.
- الأسئلة والأجوبة. قسم بيتساب فاضي في أغلب الملفات، وأي حد يقدر يجاوب فيه — " بما فيهم حد يجاوب غلط. بيتملى بالأسئلة الحقيقية وأجوبتها.
الملفات المكررة
مشكلة بتتكرر مع العيادات القديمة: نفس الفرع ليه ملفين أو تلاتة اتعملوا في وقت مختلف — " واحد من الدكتور وواحد من المسوّق القديم وواحد اتولد أوتوماتيك. الملفات بتقسّم التقييمات والإشارات بينها " وكلهم بيبقوا ضعاف. الحل دمجهم في ملف واحد، وده بياخد وقت مع جوجل بس لازم يتعمل.
التقييمات
التقييمات بتأثر على الترتيب وعلى قرار المريض، وأغلب العيادات بتتعامل معاها بالغلط أو بتسيبها.
- الطلب بيبقى بعد الزيارة الناجحة على طول، بلينك مباشر يفتح خانة التقييم. كل خطوة زيادة بتقلل الاستجابة.
- الرد على كل تقييم، الحلو والوحش. الرد على السلبي بيتقرا من مرضى جداد أكتر من التقييم نفسه.
- في الرد على شكوى، مفيش أي تفاصيل عن حالة المريض. ده التزام مهني قبل ما يكون تسويق.
- مفيش شراء تقييمات ومفيش تقييمات من الموظفين. جوجل بيمسحها والملف بيتعلّم عليه.
المنشورات
الملف بيقبل منشورات قصيرة زي عرض أو خبر أو موعد إجازة. مش عامل ترتيب قوي، " بس بتاخد مساحة زيادة في النتيجة وبتخلي الملف مبيّن إنه نشِط.
ولو مفيش عنوان ثابت؟
لو الدكتور بيشتغل داخل مستشفى أو مركز مش ملكه، القواعد بتختلف وفي حالات الملف المستقل " مش مسموح بيه. بحدد ده في الفحص قبل ما نعمل أي حاجة، عشان الملف المخالف بيتقفل بعد شهور " وبتخسر التقييمات اللي جمعتها.
أسئلة
أسئلة بتتسأل كتير
ملفي متعلّق أو اتوقف. ينفع يرجع؟
غالبًا أيوه، بس بيحتاج إثبات إن العيادة حقيقية: صور اللافتة، ورق الترخيص، فاتورة على العنوان. المدة مش مضمونة لأنها عند جوجل مش عندي.
محتاج ملف لكل دكتور ولا للعيادة؟
للعيادة في المقام الأول. الأطباء اللي ليهم ممارسة مستقلة ينفع يبقى ليهم ملفات منفصلة، بس ده بيتعمل بحرص عشان ما يتحسبش تكرار.
التقييمات بتاعتي أقل من المنافس بكتير. الموضوع خلص؟
لأ. عدد التقييمات عامل من عوامل كتير، والقرب من الباحث بيوزن أكتر منه. عيادة بعشرين تقييم في نفس شارع الباحث بتسبق عيادة بمية تقييم على بعد خمس كيلو.
الخطوة الأولى
ابعتلي لينك موقع عيادتك
هبصّ عليه وأبعتلك المشاكل اللي لقيتها، بالظبط زي اللي فوق. من غير مقابل ومن غير التزام بعدها.
ابعت على واتساب